من شهر ونص جالي شاب كان إتواصل معايا من خلال إعلان لشغل

طب معاك حاجه من المبلغ ،قالنا لا انا يوميتي مبتتخطاش ١٥٠ جنيه ولو وفرت قرش بتيجي فتره مبيكونش فيها شغل والفلوس بتصرف او لو تعبت شويه ،طب قصدت حد ،حاولت اوصل لاخويا لكن بدون جدوى وبيـ,ـتنا ايجار قديم مفيش حاجه أبيعها وخـ,ـوفي أقابل ربنا وأنا عليا الديون دي ومرتحش ف تربتي وبتعز عليا نفسي إني أروح لجمعيات او ناس بتساعد يساعدوني وتارك الأمر لله لو ليا نصيب أسد ديوني هيسخرلي السماء والارض وما عليهم لقـ,ـضاء حاجتي.

إيمانه وعزة نفسه عرفوني معدنه وأصله الطيب واللي أكدلي ان كنت باجي احاسبه ف اديلو مبلغ زياده يقولي لا مش هاخد غير حسابي ويرفـ,ـض ياخد الزياده.

من أسبوعين طلب مني ٥٠٠ جنيه وقالي اخصمهم م الحساب وراح جاب كيلو كبـ,ـده وفينو وعملهم وغلفهم ف اكياس ونزل وزعهم ،ف بقوله بتعمل كده علطول قالي بتمني بس الظروف مبتساعدش طول الوقت بس حسيت اني محتاج اعمل كده ،حاجه بسيطه بس لو ربنا تقبلها بنيتي فيها هيخلف عليا بيها كتير .

والله تاني يوم روحنا كومباوند وخدته معايا هو بس وباقي العمال ف موقع الشغل (عشان يستفيد هو وأقدر اساعده )،العميد صاحب الفيلا شافه وهو شغال قالي مين ده شكله بن ناس وكل شويه بينفض هـ,ـدومه بس شكله بتاع شغل ،والله ما كان ف نيتي حاجه واتكلمت بعفوية قولتله ده قصته قصه ،وحكيت له كل حاجه ،ف قالي أيوا كده الموضوع صح ،خليه يجيب بطاقته ،ندهت ع احمد وهو بيديه بطاقته كان ف نظرات قلق منه حاولت اطمنه وطلبت منه يكمل شغله ،نص ساعه كان كل الأحكام اللي عليه والأماكن اللي شاكياه منهم افراد خارجيين كانوا مبعوتين ف رساله ع الواتس للعميد ده وانا والله ما كنت أعرف هو شغال إيه ،بعد يومين كان هو عمل تحريات عنه ،كلمني وطلب مني اروح له انا وأحمد.

مكنتش عارف عاوزنا ليه وكنت قلقان عليه جدا وبقول لو حصله حاجه هبقي أنا السبب ،المفـ,ـاجاه ان العميد جابله تاريخ حياته.احمد كان قاعد مخضوض وبيسمع له وبيردد ع لسانه وأفوض أمرى إلي الله وكأنه متوقع إنه هيتقبض عليه مع ان العميد كلامه مكنش فيه اي حاجه تقلق ولا حاجه غلط ف حق احمد بس الخـ,ـوف سيطر عليه .

الحمد لله الفلوس اللي على احمد اللي كانت للأفراد اتدفعت والناس اتنازلت لسا البنك بعد اجازه العيد وكل ده بكفالة من العميد جزاه الله كل خير.

إمبارح كنت قاعد معاه وبقوله ربنا بيسبب الأسباب بس انت عملت اي يخليه يسخرلك الحكومه اللي أنت خـ,ـايف منها هيا اللي تساعدك ويخلي هيئتك سبب ف استغراب الناس عشان تعرف قصتك ،قالي يقين بالله وتفويض الأمر لله ،انا اليوم اللي عملت فيه اطعام حلمت ان حد بيديني تفاحه وجه واحد قالي زى ما اداك إدي غيره ،مكنتش فاهم الحلم بس نويت اعمل الاطعام وربنا تقبل النيه و٥٠٠ جنيه كانوا سبب ف سداد ٥٠٠ الف جنيه.

كبتب ليكم البوست وقصه أحمد عشان اقولكم متستعجلوش لو لسا ملقتوش ثمار اطعامكم وصداقاتكم ربنا بيسبب الأسباب ف اوانها وعشان اقولكم عالجوا ضيق الرزق والهـ,ـموم والمـ,ـرض واي حاجه بالصدقات حتي لو بمبلغ بسيط رُب درهم سبق الف دينار

منقوله